Suno Logo !

Suno Logo..
Mairi aankhain khareedo gay?
Buhat majboor halat..
Mujhy Neelaam karni hain
koi to mujh se Naqd le lay
Me thoray daam le loon ga
Jo pahli boli de day bas
Usi kay naam kar doon ga
Mujhy Bazar kay log
kah rahy hain kam aqal tajir

Aray Logo Suno
Nahi hoon Hirs ka khuwahaan
Nafa Nuqsan ki Shatranj
Nahi me khailny aaya
Koi mujh ko kahay na..
Manchala sa, Behunar tajir
Bata paao tumhain..
Kis tashweesh me hoon main

Suno Logo..
Baree mahboob hain mujh ko
Mairi ye neem tar aankhain
Magar ab baichta hoon kay..
Mujhy ek khuaab ka
Tawaan bharna hai
Aur in aankhon ka dard
Khod se door karna hai
In aankhon kay be taabeer khuaab
Jala kay raakh karna hai
Mujhy Tawaan bharna he!
Mujhy Tawaan bharna he!!